Eusko Jaurlaritza

euskadi.net-era sartu

Menua ireki

Menua itxi

Menu nagusia:

Elkarlan Sariak

Elkarlan Sariak

Elkarlan Sarien xedea da hiru proiekturi sari bana ematea. Proiektuek osasunaren, ingurumenaren, garapen ekonomikoaren, ikastearen eta kohesio sozialaren jarduera-alorretan eragina izateaz gain, balio publiko partekatua sustatu eta gizarteko erronkak eta beharrak ase behar dituzte, eta diseinu- eta ezarpen-fasean, pertsona eta kolektiboen ahalduntze-prozesua sustatzeko gaitasuna erakutsi beharko dute.

Deialdiaren agindua

AGINDUA, 2016ko irailaren 20koa, Herri Administrazio eta Justiziako sailburuarena, balio publikoa batera sortzeko proiektuetarako Eusko Jaurlaritzaren «Elkarlan» sariak emateko bigarren deialdia, 2016koa, onesten duena.

Aurkeztutako proiektuak

Hona hemen 2016. urteko deialdira aurkeztutako proiektuak:

Sarituak

Aurkeztutako 49 ekimenen artean, 3k saria jaso dute, berritzaileak eta eredugarriak izateagatik eta herritarren ahalduntzea sustatzeagatik. Aurkeztutako proiektuek grafiko honetan islatutako esparruetan dute eragina:

Cohesión social 51%, Desarrollo económico 14%, Medio ambiente 2%, Salud 14%, Aprendizaje-cultura 18%

Saritutako ekimenak honako hauek izan dira:

  • Goiener, energia-subiranotasuna berreskuratzeko Goiener Elkarteak aurkeztutako proiektu kooperatiboa.
  • Merkatu soziala, REAS Euskadiren beste ekonomia mota baten bitartez bizitza hobea lortzeko helburua duen proiektua.
  • Merkatua, Portugaleteko alde zaharreko Larrantxe Bizilagunen Elkarteak aurkeztutako hautagaitza.

Aipamen berezia izan du CEAR - Euskadiko Errefuxiatuen Laguntzarako Batzordearen boto lagatzea, etorkinen eta errefuxiatuek beraien eskubide politikoak gauzatu nahi dituztenean dauzkaten arazoak agerian uzten laguntzeagatik.

Irabazleen dosierra (PDF, 2.4 Mb)

Deialdiaren agindua

AGINDUA, 2015eko urriaren 23koa, Herri Administrazio eta Justizia sailburuarena, balio publikoa batera sortzeko proiektuetarako Eusko Jaurlaritzaren «Elkarlan» sariak emateko deialdia onesten duena.

Aurkeztutako proiektuak

Hona hemen 2015. urteko deialdira aurkeztutako proiektuak:

Saritutakoak

Aurkeztutako 59 ekimenen artean, 3k saria jaso dute, berritzaileak eta eredugarriak izateagatik eta herritarren ahalduntzea sustatzeagatik. Aurkeztutako proiektuek grafiko honetan islatutako esparruetan dute eragina:

Kohesio soziala 22%, Garapen ekonomikoa 25%, Ingurumena 12%, Osasuna 14%, Ikaskuntza-Kultura 27%

Honako ekimen hauek jaso dituzte sariak:

  • Wiki Toki Elkartea: Bilboko San Frantzisko auzoan kokatutako elkarsorkuntzarako laborategia da Erlazionatzeko, sarean aritzeko eta elkarlanean sortzeko era berriekin (hainbat diziplinatakoak eta esparrutakoak) esperimentatzen dute. Prozesu horretan, profesionalek, amateurrek, gizarte zibilak eta eragile publikoek eta pribatuek hartzen dute parte. Egileen arabera, erlazionatzeko, antolatzeko, ikertzeko, sortzeko, ekoizteko eta kontsumitzeko era berriekin esperimentatzeko aukera bat da.
  • Euskadiko Fiare proiektuari laguntza emateko elkartea: Banku etiko bat da Fiare, eta beste finantza-eredu bat abian jartzeko sortu zen. Urteak igaro dira, eta, gaur egun, Fiare banku etikoak erakusten du herritarrak, antolatzen direnean, gai direla proposamen eraldatzaileak egiteko, eta gizarte bidezkoagoa, kontzienteagoa eta arduratsuagoa eraikitzeko. Nabarmentzeko modukoak da Fiarek finantza etikoak eta elkartasunean oinarritutako gizarte-ekonomia bultzatu izana.
  • Uliako auzo-elkartea: Proiektu horren helburua hauxe da: Uliako (Donostia) udal-mintegiak berrerabiliz parke publiko handi bat sortzea zen, herritarrek erabil dezaten. Proiektua 9 hilabetez egon da abian baina, hala ere, Donostiako ingurumen- eta kultura-jardueren agendan erreferente bat da.

Irabazleen dossierra

Eusko Jaurlaritzaren gardentasun proiektuak

euskadi.eus

Irekia

Open Data Euskadi

Euskadiko kontratazio publikoa

Legegunea, Euskal araudiaren ataria

Informazioa eskatu

Euskadi, auzolana